<img height="1" width="1" style="display:none" src="https://www.facebook.com/tr?id=1302467143154317&amp;ev=PageView&amp;noscript=1">
Kontaktatu

CLÍNICA IMQ VIRGEN BLANCA

Harrera, egonaldia eta alta

Nora joan

Klinikara ebakuntza bat egitera edo ospitaleratzera bazatoz, ospitalearen ezkerraldeko ate nagusitik sartu beharko duzu. Ondoren, informazio mostradorera jo behar duzu, zure etorreraren berri ematera. Bertan jarraibideak emango dizkizute.

Aurkeztu beharreko dokumentuak:

  • Nortasun Agiria edo pasaportea.

  • Ingresu partea, zure medikuak behar bezala beteta.

  • Mutua edo aseguruetxe baten bezeroa bazara, zure ingresua baimentzeko bolantea eta aseguratu txartela ekarri beharko dituzu. Zure aseguru polizaren estaldura ezagutzeko aseguruetxearekin harremanetan jartzea gomendatzen dizugu.

  • Baimen Informatua, egingo den prozesu kirurgikoari buruzkoa eta pazienteak eta medikuak sinatutakoa

Harrera zerbitzuan identifikazio eskumuturreko bat jarriko dizute. Hori ezingo duzu kendu zentroa utzi arte. Harrerako langileek zure logelara lagundu eta, bertan, eskura dituzun zerbitzuen berri emango dizute.

Egonaldia

Klinikan zauden denboran zure osasun egoera hobetzea helburu duen profesional talde batek artatuko zaitu.

Logelan bertan, erizaintzako langileren batek harrera egin, eta unitatearen funtzionamenduaren berri emango dizu; era berean, klinikan zauden egunetan eroso sentitzeko behar duzun guztiari buruzko informazioa jasoko duzu.

Klinikak banakako 68 gela dauzka, denak 2. eta 6. solairuen artean. Logela guztiek bainugela osoa, telebista, Wifia eta kutxa gotorra dauzkate.

Halaber, eguneko ospitale kirurgikoa dauka, 10 boxekin, eta eguneko ospitale medikoa nahiz bizkorketa-ABU unitatea, 9 boxekin.

Ospitaleratutako pazienteek medikuek gomendatutako dieta bete behar izango dute. Jatorduak hurrengo hauek dira gutxi gorabehera:

  • Gosaria: 8:45ean

  • Bazkaria: 13:00etan

  • Askaria: 17:00etan

  • Afaria: 20:00etan

Pazienteei bisitatzeko ordutegia malgua da, betiere pazientearen egoera eta lotarako edo atseden orduak errespetatzen badira. Izan ere, eguneko edozein momentutan bisitatu daiteke, berariazko bisita ordutegia duten unitateetan izan ezik:

  • BIZKORKETA atalerako bisitak: eguerdiko 12:30etik 13:30era; arratsaldeko 19etatik 19:30era

1. solairuan janaria eta edaria saltzeko makinak daude 24 orduz erabilgarri.

Larrialdietan ere janaria eta edaria saltzeko makinak daude 24 orduz erabilgarri.

IMQ VIRGEN BLANCA Klinikak ez ditu bere gain hartzen galdutako gauza pertsonalak. Pazienteen geletan kutxa gotorrak daude norbere gauza pertsonalak gordetzeko

Alta

Medikuaren alta eguerdiko 12ak baino lehen eman ohi da. Ordu horretan komenigarria da pazienteak logela uztea. Zure medikuak alta txostena emango dizu (behin-behinekoa edota behin betikoa), bertan jasota egongo dira klinika utzi eta gero kontuan izan beharreko jarraibideak, hartu beharreko medikazioa eta jarraitu beharreko zaintzak. Klinika utzi aurretik, Administrazio/Kutxa departamentura joan edo zure familiar bati hara joateko esan. Departamentu hori beheko solairuan dago, eta bertara jo behar duzu tramite administratiboekin amaitzeko. Horrela, polizaren estalduran sartzen ez diren aparteko gastuak badituzu, faktura ordaindu ahalko duzu.

Klinika utzi nahi baduzu medikuaren alta jaso barik, borondatezko alta sinatu beharko duzu. Oso garrantzitsua da alta txostena familiako medikuari eramatea, inoiz zentro honetara itzuli behar baduzu.

IMQ Virgen Blanca
94 412 70 11

Zalantzak dituzu? Informazio gehiago behar duzu?

Kontaktatu