IMQ Zorrotzaurre Klinikaren Barne Medikuntzako Asistentzia Unitatea, diagnostikoaren eta tratamenduaren eremuan pazienteari asistentzia eskaintzen dion zerbitzua da, ospitalizatuta dagoenean zein kontsultan, ikuspegi holistiko eta integratzailearekin. Klinikaren ospitale egituran ezarrita eta sartuta dago eta haren xedea, gainerako zerbitzuekin batera, osasun asistentzia integrala eskaintzea da, pazientea ardatz hartuta eta kalitate handienarekin.

Unitate honetako espezialista taldeak etengabeko arreta eskaintzen dio ospitalizazio polibalenteko unitatean sartutako pazienteari, afekzio medikoei dagokienez. Jarduera hori Klinikako hurrengo zerbitzuekin lankidetza zorrotzean burutzen du: larrialdiak, medikuntza intentsiboa, onkologia, kirurgia eta traumatologia. Etengabeko asistentzia eta arreta medikoa bermatzen diegu Klinikan ospitalizatutako pazienteei Larrialdietako Zerbitzuan edo ZIUn alta hartzen dutenetik, klinikako altarekin batera asistentzia prozesua amaitu arte, edo, beharrezkoa izaten denean, kontsultako ondorengo jarraipenarekin ere.

Miaketa inbaditzaileak edo arrisku handiko prozedura diagnostiko zein terapeutiko oso konplexuak jasotzeko ospitalizatutako pazienteen zaintza eta jarraipena nahiz egon daitezkeen arazoak artatzen dugu.

Halaber, ebakuntza aurreko ebaluazioa egiten diegu patologia kirurgikoa duten pazienteei eta ebakuntza bitarteko eta ondorengo laguntza ematen diegu asistentzia hori jaso bitartean paziente horiek eduki ditzaketen arazo medikoei aurre egiteko eta, hala badagokio, horiek artatzeko.

Kanpo kontsultari dagokionez, Klinika osatzen duen multzoaren kontsulten eraikinean dago eta ebakuntza aurreko azterketetarako asistentzia alorreko laguntza ematen du. Gainera, beste espezialista batzuk edo lehen mailako arretaren eremutik igorritako pazienteei kontsulta espezializatua eskaintzen die eta ospitaleko alta osteko pazienteen jarraipena egiten du.

Barne Medikuntzako unitatearen barruan abordatze diagnostiko eta terapeutikoa egiten da hurrengo alorretan:

• Gaixotasun infekziosoak

• Gaixotasun erreumatiko, autoimmune eta inflamatorioak

• Patologia ugariko paziente kroniko eta konplexuak artatzea

• Paziente onkologikoaren arazo medikoen tratamendua

• Adineko pazienteen afekzio medikoen tratamendua

• Arrisku kardiobaskularreko faktoreen kontrola; lipidoak

• Arazo medikoak dituzten edo garatzeko arriskua duten pazienteen ebakuntza aurreko ebaluazio eta ebakuntza osteko jarraipena

• Diabetes mellitusa; arazoen kontrola, jarraipena eta artatzea

• Gorabehera endokrino eta metabolikoak, desoreka hidroelektrolitikoa eta azido-baseareena

• Giltzurruneko gutxiegitasun akutu eta kroniko moderatuaren diagnostiko eta tratamendua

• Patologia digestiboa: hesteetako gaixotasun inflamatorioa, hepatopatiak, pankreatitisa…

• Patologia neurologiko eta zerebrobaskularra

• Bihotz eta biriketako patologia: bihotz gutxiegitasuna, BGBK Biriketako Gaixotasun Buxatzaile Kronikoa, pleura eta perikardioko isuriak aztertzea eta artatzea

• Egonaldi erdiko eta bizkortze unitatean sartu daitezkeen pazienteen altaren ingresua agindu, jarraipen egin eta plangintza zehaztea

Kokapena

Talde