Digestio Aparatuko Espezialitatearen Unitate Asistentzialak Digestio Aparatuko edozein organori dagozkion gaixotasunak diagnostikatu eta tratatzea du xede. Hauek dira Digestio Aparatuak barne hartzen dituenak: hestegorria, urdaila, heste mehea, heste lodia edo kolona, uzki-ondestea, gibela, pankrea eta behazun maskuria.

Digestio gaixotasunen azterketa paziente bakoitzarengan desberdina da, bakoitzak daukan gaixotasunen araberakoa. Hori dela eta, lehenik eta behin, pazientearen historia kliniko zehatza eduki behar da, pazienteak zein gaixotasuna duen jakiten lagunduko duena. Hori horrela, beharrezkoak liratekeen proba diagnostikoak adieraziko zaizkio; besteak beste, laborategi testa, proba erradiologikoak eta endoskopiak, kapsula endoskopikoa... diagnostikoaren fase hau bukatutzat emateko.

Batzuetan, pazienteek ez dute sintomarik, baina diagnostiko eta tratamendu goiztiarra bilatzen dute, hasierako fasetan dauden baldintza eta lesio premalignoei aurre egiteko, errazago sendatu daitezkeelako. Adibidez, batetik, Barretten hestegorria kontrolatzeko metodoa erabili daiteke, hestegorriko minbizia prebenitzeko; eta bestetik, koloneko polipoak erauztea; besteak beste, koloneko minbiziari aurrea hartzeko.

Digestio Aparatuko Unitate Asistentzialak Digestio Endoskopia unitatea barne hartzen du. Bertan hurrengo teknika endoskopikoak egiten dira:

• Gastroskopia

• Kolonoskopia

• Goiko eta beheko digestio aparatuaren bidezko ekoendoskopia

• AKPE eta drainatzeko teknika biliopankreatikoak

• Digestio endoprotesiak jartzea

Teknika horien bidez, gaixotasun hestegorri-gastrikoak diagnostikatu daitezke, esaterako, hestegorriko fluxua, ultzerak eta tumoreak, bai eta digestio larrialdiei aurre egitea ere (digestio odoljarioak eta objektu arraroak ateratzea barne).

Kolonoskopiak koloneko gaixotasunak diagnostikatzeko aukera ematen du. Horrez gain, koloneko minbiziaren diagnostiko eta tratamendu goiztiarrerako baliagarria dela erakutsi du.

Digestio ekoendoskopiak mediastino eta sabelaldeko biopsien bidez diagnostikoa egiten du, baita uzkiko gaixotasunena ere.